Andoaingo txirrindulari eskolan aritutako ARITZ MUJIKARI elkarrizketa
Aritz Mujika, Andoaingo Txirrindulari Eskolan aritu zen jubenil mailan eta orain (2010eko maiatza) bi urte daramatza Belca taldean afizionatu mailan. Lehen urtean txukun ibili zen eta lasterketa asko bukatu zituen, hori errzaza ez bada ere lehen urtean. Aurten lasterketak bukatzeaz gain oso postu onak lortzen ari da, eta itzulietan ere ondo dabil, Arabako hiru egunetan adibidez, 6. izan zen euskal txirrindularien artean eta lehen 15en artean sailkapen orokorrean, ondoren nahiz eta gaixo egon Bidasoako itzuliko etapa guztiak bukatu zituen eta 54. postuan sailkatu zen.
Elkarrizketa egin diogu bere esperientzia konta dezan.
Andoaingo Txirrindulari Eskola: Bigarren urtea dek maila honetan, diferentzi asko zeok lehenengotik bigarren denboraldira?
Aritz Mujika: Lehen urtean Jubenil mailatik aldaketa asko zeok, batetik kilometro gehiago egin behar dituk eta bestetik erritmoa ere ezberdina dek, gehiena hori nabaritzen dek. Gero erritmoa hartzen dek eta kilometroetara ere ohitu egiten haiz.
ATE: Bigarren urtea dek hau eta nabari dek “beteranoa haizela”?
Aritz: Beteranoa ez zekiat, baina hori dek, hartu dek erritmoa… ba dakik nola dioan gauza, lasaiago ateratzen haiz, prestaketa ere hobea dek…
ATE: Ibilbideak ere ezagutzen dituk…
Aritz: Hori dek, eta entrenamenduak ere gehiago eta hobeak egiten ditiagu, urte bete gehiago duk…
ATE: Jubeniletan pixka bat ikasten duzue talde lana egiten, afizionatuetan, akaso profesionaletan bezala, egoten dek talde lana?
Aritz: Nabaritzen dek talde handitan, Bidelan eta horiek gehiago kontrolatzen diate, beti diate lider bat eta segun karrera gehiago kontrolatzen diate. Adibidez gurean, Belcan, batzutan egoten dek talde lana, baina bakoitzak ahal duena egiten dik, presio gutxiago zegok eta lasterketa bukatzen saiatzen gaituk. Dena dela norbait alde eginda bazoak edo adibidez Arabako itzulian ni ondo nindoan eta ekipoak lagundu zidaan.
ATE: Bigarren urte honetan itzuliak ere egiten dituk, zer moduz errekuperatzen da egun batetik bestera?
Aritz: Jubeniletan ez hago ohituta bi egun jarraian lasterketa izatera, Gipuzkoako itzulia dek egun bat baino gehiagokoa bakarrik, eta bi egun jarraian gutxitan eta orain, afizionatutan, ia astebururo bi lasterketa izaten ditiagu eta gorputza ohitu egiten dek, entrenamenduak ere gehiago egiten dituk eta…
ATE: Ze, 130 kilometro egun batean eta hurrengoan eta…
Aritz: Bai, bai, hori nabaritzen dek baina ohitu egiten haiz
ATE: Errekuperazioa ere ondo?
Aritz: Bai, bai
ATE: Gero atsedenerako gogoa izango duzue?
Aritz: (barreak) Bai noski
ATE: Maila honetan mendateak ere serioak dituk, nabari dek beste erritmo batean igotzen direla?
Aritz: Bai hori bai nabaritzen dela. Ni lehen urtean gehien nabaritu nuena, errepide lauetan tropelaren babesean sartzen haiz eta aurrera, baina mendatea hastean ba…
ATE: Mixeri guztiak ateratzen dira ez?
Aritz: Bai, nik hori nabaritu nian lehen urtean, mendateak oso azkar igotzen direla eta hor bakarrik hago.
ATE: Aurten, Arabako itzuliaren ondoren, Bidasoakoa ere egin huen.
Aritz: Bai
ATE: Hor ere txukun, bueno gutxienez bukatu eta saiatzen…
Aritz: Bai hori dek, ni gogoarekin nindoan, baina justu hiru egun lehenago gastroenteritisa izan nian eta lehen eguna hala nola pasa nian, bigarren egunean matxura izan nian txirrinduan eta hirugarren egunean, zulatua eta 20 kilometro tropela harrapatu ezinik, Hernanitik Goizuetaraino, gero tropela harrapatu eta Basakabi igotzen erabat luzatua zihoan tropela eta asko sufritzen. Gero azken egunean, dena galduta nian eta bukatzera bakarrik joan ninduan.
ATE: Orain, jubenil mailarekin alderatuta, lasterketak ez dituk hemen inguruan, batzuk urruti dituk, Araba, Bizkaia, Nafarroa…
Aritz: Lehen gehienak Gipuzkoak izaten genizkian eta beti kanpora joateko gogoa izaten nian, orain aldiz hemen korritzeko desiratzen
ATE: Denboraldia, bukaera arte egingo dek?
Aritz: Bai, orain gainera praktikatan nagok eta badiat entrenatzeko denbora, 5:30etatik 13:00etara ditiat praktikak Itziarren, gero han bazkaldu eta ondoren handik bizikletaz etortzen nauk.
ATE: Zer ikasten ari haiz?
Aritz: Mekanikako grado superior ari nauk egiten eta ekainaren 2an bukatuko ditiat praktikak eta ordutik aurrera nire asmoa, bete betean entrenatzera dedikatzea dek eta ea…
ATE: Orduan gora egingo dek?
Aritz: Ea horrela den
ATE: Ikasketengatik txirrindularitza albora uzten dek edo alderantziz, edo ondo uztartzen dituk biak?
Aritz: Berez ez nuen Unibertsitatera joateko asmorik baina nik uste goizean ikasi eta arratsaldean entrenatzeko badagoela denbora, akaso lagunei kendu behar zaiek pixka bat, batez ere larunbatetan eta, lagunekin joan beharrean, etxean geratu behar dek. Baina nik uste ikasketak eta txirrindularitza, biak ondo egin daitezkeela.
ATE: Ba mila esker, eta ea denboraldia ondo bukatzen duan.
