Gopar-Ikolan Lanaldi, Eskualdean talde berria

Andoaingo txirrindulari eskolan jubenil mailan bukatu eta aurrera egin nahi izan duten txirrindulariek, orain arte normalean Oriako txirrindulari eskolako Belca taldera joaten ziren afizionatuen lehen urtea egitera, horrela egin zuten bera garaian Iokin Iartza, Xabi Errazkin, Jon Iturria, Aritz Mujika, Ruben Dario, Mikel Iturria eta Xabi Perezek.
Aurten, Belcak bertan behera utzi du taldearen babesle izatea eta eskualdeko txirrindulari asko afizionatu mailako inongo taldean jarraitzeko arazoekin aurkitu dira.
Azkenean Ordizia,  Tolosa eta Andoaingo txirrindulari eskolek talde berri bat sortzeko aukera aztertu eta gehienbat Ordiziako Tx. Ek. azken hilabeteetan babesle bila egindako lanaren ondorioz aurrera egiteko aukera horrek bere fruitua eman eta talde berria sortu da.

Caja Rural taldeko aurkezpenean izan ziren GOPAR-IKOLAN taldekoak ere, argazkian Xabi Perez eta Aitor Irazu

Taldea erabat berria da, baina Belca taldetik pasatako txirrindulariak eta Oriakok erabiltzen zituen zenbait baliabide ere hartuko ditu, eta behar denean beste eskolek ere lagunduko dute beraien baliabideekin (autoak, materiala…)
Andoaingo Txirrindulari Eskolak ere parte bat badu proiektu berri horretan, Aitor Irazu eta Iurgi Altuna bertako zuzendari izango dira Andoaingo taldean aritzeaz gain eta gainera, gure txirrindulariek aukera izango dute, taldearen filosofia errespetatzen badute, aurrera jarraitzeko. Oriakok ere bi zuzendari jarriko ditu, Iñigo Aseginolaza (hau zuzendari guztien koordinatzailea izango da) eta Eneko Gurrutxaga. Ordiziatik zuzendari bezala Pedro Usabiaga eta gero taldearen zuzendaritza osoa Santi Osoro, Telleria anaiak, Xabier Aldanondo, Mikel Gaztañaga eta Rufino Murgia.
Babesle nagusia GOPAR Zizurkilgo enpresa izango da, bigarrena, IKOLAN Lanaldi, horietaz gain, Goierriko beste enpresa batzuk ere,
Hau da erabiliko duten ekipazioa, INVERSE etxekoa

Taldeak 15-18 txirrindulari hartuko lituzke, gehienak eskualdekoak eta lehen eta bigarren urtekoak, horrela, jubenil mailan bukatu eta aurrera jarraitu nahi duten eskola horietako txirrindulariek aukera izango dute afizionatu mailako talde berrian aurrera egiteko. Oraingoz hauek dira talde berrian arituko diren txirrindulariak: ASIER GANDARIAS CARRERA,  ALAIN LOPEZ KORTA, AITOR LOYARTE BARREROS, JULEN ORIA IBARGUREN, ASIER UNANUE DIEZ, IGOR ROMERO, AITOR LANDA ECHARRI, JULEN IZAGIRRE, ANDER ALTUNA LIZARRAGA, JON GARMENDIA AROZTEGUI, IGOR JAUREGI MOZO,  ARITZ ELUSTONDO GARATE, XABIER PEREZ GARMENDIA, ENEKO GARCIA OIARTZABAL, AITOR OCAMPOS eta XABIER IRIARTE.
Taldeak izango duen egutegia gutxi gora behera hau izango da: Euskaldun eta Lehendakari txapelketak, Gipuzkoan egiten diren Espainiako kopako probak (Asteasu, Balentziaga memoriala eta Legazpiko Santa Krutz) eta Bidasoa eta Arabako itzuliak, guztira 50-60 lasterketa egun denboraldian. Udara partean, Espainia aldera, beste itzuli batera joateko asmotan ere ari dira.
Gehienetan, taldeak egun berean lasterketa batean bakarrik parte hartuko luke,  baina txirrindulari nahiko izango dituenez akaso egunen batean bi lasterketetan parte hartzeko aukera ere aztertuko luke.

Hauek dira erabiliko dituzten txirrindak (ORBEA ONIX) eta kaskoak (ORBEA ODIN) Euskaltel taldeak erabiltzen dituen berberak

Taldeko txirrindulari gehienak ikasten ari direnez, ibili diren eskoletako filosofia berarekin jarraitzeko asmoa du talde berriak, emaitzen gainetik, helburua eta lehentasuna ere badira kideen ikasketak, pertsonak formatzea, seriotasuna etab… beti ere txirrindularien inplikazioa eta konpromisoa exijituz.
Gainera talde berri honek erlazio zuzena izango du Caja Rural ekipo profesionalarekin bere azpiko kategorietako talde izateko konpromisoa hartu baitu. atzera